Шведскиот кантавтор Џеј-Џеј Јохансон ќе гостува во Скопје утревечер во 20 часот во малата сала на Македонската филхармонија. Педесет и шестгодишниот Јохансон, кој е познат по својот меланхоличен глас, досега има објавено 14 албуми, на кои има вклучено елементи на трип-хоп и електроника.
Неговиот последен албум „Фетиш“ излезе во 2023 година и беше проследен со светска турнеја, во рамките на која сега доаѓа и во Скопје. Избран за „најубавиот човек на светот“, шведскиот уметник Џеј-Џеј Јохансон почнува да компонира како тинејџер, но дури во август 1996 година го објавува деби албумот Whiskey. Албум снимен во студиото Break My Heart во Стокхолмскиот Архипелаг. Брзиот успех на албумот, окарактеризиран со неговиот џез вокал над трип-хоп ритам, поддржан од филм ноар аранжмани, го одведе Џеј-Џеј на неговата прва од многуте светски турнеи.
Речиси 30 години подоцна, по андерграунд хитовите So Tell the Girl that I Am Back inTown, Believe In Us, On the Radio и Heard Somebody Whistle, соработувајќи со Cocteau Twins и The Knife, Џеј-Џеј е сè уште активен како и секогаш, а што туку го издаде својот 14. албум Fetish и започна нова турнеја низ светот.
Картите се достапни на www.drugastrana.mk
